Statut Biskupske konferencije Bosne i Hercegovine
KONGREGACIJA ZA EVANGELIZACIJU NARODA
Prot. Br. 5790/03
ODLUKA
Budući da u naše vrijeme dobrobit duša sve više zahtijeva da se mjesni biskupi međusobno ujedinjuju ne samo vezom bratske ljubavi nego i zajedničkim načinom djelovanja u vršenju pastirske službe, biskupi Bosne i Hercegovine zamolili su Apostolsku Stolicu da pregleda Statut koji su sastavili, a naslovljen je "Statut Biskupske konferencije Bosne i Hercegovine".
Odvagnuvši zrelo stvar, primivši mišljenje preuzvišenoga i prečasnoga gospodina Santosa Abrila y Castelloa, naslovnoga nadbiskupa tamadskoga i apostolskoga nuncija u Bosni i Hercegovini, kao i mišljenje Papinskoga vijeća za tumačenje tekstova zakona, ova je Kongregacija za evangelizaciju naroda tu molbu rado primio i snagom ovlasti, koje mu je posebno udijelio naš božanskom providnošću Papa Ivan Pavao II., spomenuti Statut, kako je Apostolskoj Stolici dostavljen, potvrdio i konačno ovom odlukom pregledao.
Bez obzira na bilo što protivno.
Dano u Rimu, u palači Kongregacije za evangelizaciju naroda, 8. prosinca, na svetkovinu Bezgrješnoga začeća Blažene Djevice Marije, godine Gospodnje 2003.
kardinal Crescenzio Sepe, pročelnik
+ Robert Sarah, tajnik
STATUT BISKUPSKE KONFERENCIJE BOSNE I HERCEGOVINE
Prot. N. 5790/03
CONGREGATIO PRO GENTIUM EVANGELIZATIONE DECRETUM
Cum animarum bonum nostris temporibus maxime urgeat ut locorum Pmesules inter se uniantur non solummodo fratemae caritatis vinculo sed communi quoque agendi ratione in pastorali officio exequendo, Bosniae et Erzegoviae Antistites ab Apostolica Sede expostulaverunt ut Conferentiae Episcopalis Statuta, ab ipsis confecta quaeque "Statuta Conferentiae Episcoporum Bosniae et Erzegoviae" nuncupantur,ite recognoscerentur.
Quam petitionem haec Congregatio pro Gentium Ev angelizatione, re mature perpensa, habito voto Exc.mi ac Rev,mi Domini Sancti Abril et Castelld, Archiepiscopi tit. Tamadensis atque Apostolici in Bosnia et Herzegovia Nuntii, necnon Pontihcii Consilii de Legum Textibus Interpretandis, libenter suscepit et, vigore facultatum a Sanctissimo Domino Nostro IOANNE PAULO Divina Providentia Pp. II sibi specialiter concessarum, praefata Statuta, prout Apostolicae Sedi fuerunt exhibita, rata habuit atque definitive praesenti Decreto recognovit.
Contrariis quibuslibet non obstantibus.
Datum Romae, ex Aedibus Congregationis pro Gentium Evangelizatione, die VIII mensis Decembris, in Sollemnitate Conceptionis Immaculatae Beatae Mariae Virginis, a.D. MMIII.
Crescenzius Card. Sepe, Praefectus
+ Robertus Sarah, a Secretis
STATUTA CONFERENTIAE EPISCOPORUM
BOSNIAE ET HERZEGOVINAE
Caput I.
DE NATURA ET COMPOSITIONE
Articulus 1: Conferentia Episcopalis Bosniae et Herzegovinae (CE BiH), qua institutum permanens, a Sede Apostolica erectum, coetus est Episcoporum Ecclesiae Catholicae, qui in territorio Bosniae et Herzegovinae habent suas sedes: Sarajevi, Banja Lucae, Mandetrii et Tribunii (cfr. can. 449, § 1).
Episcopi huius Conferentiae, pertinentes etiam hucusque ad unam Provinciam ecclesiasticam, sc. Vrhbosnensem, quaedam munera pastoralia coniunctim exercent pro fidelibus in suis territoriis degentibus, ad normas iuris, praesertim per apostolatus formas et rationes temporis, loci et linguae croaticae communis adiunctis accomodatas (cfr. can. 447).
Articulus 2: Conferentia Episcoporum Bosniae et Herzegovinae ipso iure personalitate iuridica gaudet (cfr. can. 449, § 2).
Articulus 3: Ad Conferentiam Episcopalem Bosniae et Herzegovinae pertinent omnes Episcopi dioecesani istius territorii eisque iure aequiparati (cfr. cann. 381, § 2; 368); itemque Episcopi coadiutores, Episcopi auxiliares ceterique Episcopi titulares in isto territorio peculiari munere, sibi a Sede Apostolica vel ab hac Conferentia concredito, fungentes (cfr. can. 450, § 1), atque administratores dioecesani (cfr. can. 427, § 1).
Ad Conventum plenarium potest invitari etiam Eparchiae Crisinensis Ordinarius, qui in territorio Bosniae et Herzegovinae suos fideles ritus bizantini habet.
Articulus 4: Conferentia Episcoporum BiH constat organis quae haec Conferentia instituit: Conventu plenario, Consilio permanente, Consiliis, Comitatibus, Secretaria generali et Officiis (cfr. can. 451).
Articulus 5: Praeses Conferentiae in Conventu plenario ex Episcopis dioecesanis ad quinquennium eligitur, ita ut eius electio potest renovari successive semel tantum. Pro-Praeses ex Episcopis diocesanis eisque iure aequiparatis vel coadiutoribus eligitur etiam ad quinquennium et eius electio potest renovari successive semel tantum.
Caput II.
Articulus 6: Sedes Conferentiae Episcoporum BiH est in urbe Sarajevi. Iusta de causa Conventus plenarius et sessiones Consilii permanentis etiam in aliis locis haberi possunt.
Articulus 7: Conventus plenarius ter habetur singulis annis ad invitationem Praesidis. Si singulus Episcopus, audita opinione Consilii permanentis, postulat, Conventus plenarii tenentur quoties id adiuncta suadeant (cfr. can. 453).
Articulus 8: In conventibus plenariis suffragium deliberativum omnibus membris Conferentiae competit. Sed cum agitur de statutis conficiendis vel immutandis, tale suffragium competit solum Episcopis dioecesanis, eisque aequiparatis et coadiutoribus (cfr. can. 454).
Articulus 9: Conventui plenario interesse est omnium membrorum Conferentiae. Si Episcopus dioecesanus est iusta de causa impeditus, potest unum membrum Conferentiae vel suum Vicarium generalem ut procuratorem mittere.
Procurator, cui suffragium deliberativum non competit, potest tamen referre mentem Episcopi, qui eum misit.
Episcopi emeriti possunt invitari ad intervenendum in sessionibus, sed in Conventu suffragio solummodo consultivo fruuntur (Motu proprio Apostolos suos, nr. 17).
Articulus 10: Ad manifestandum quam arctiorem nexum inter Conferentiam Episcopalem et Sedem Apostolicam, Legatus Romani Episcopi in Bosnia et Herzegovina advocabitur ad sessiones Conventus plenarii.
Articulus: 11: Conventui plenario et sessionibus Consilii permanentis Praeses vel, ipso iusta de causa impedito, Pro-praeses Conferentiae praeest. Si uterque impeditus est, praeest Episcopus dioecesanus Episcopali ordinatione maior (cfr. can. 452).
Articulus 12: Conventui plenario et sessionibus Consilii permanentis adest Secretarius generalis qua actuarius.
Articulus 13: Singulis sessionibus Conventus plenarii possunt adesse etiam aliae personae sive clericales sive laicales, invitatae a Praeside vel ab ipso Conventu plenario ad referendum de certis quaestionibus.
Articulus 14: Ratione habita eorum quae a membris Conferentiae proposita sunt, rerum agendarum ordinem definit Consilium permanens et, tempore opportuno, mittit omnibus membris Conferentiae.
De rebus in libello agendorum non insertis Conventus plenarius potest disceptare si id postulant duae tertiae partes membrorum praesentium in Conventu.
Articulus 15: Conventus plenarius potest valide suffragatione deliberare si pars absolute maior membrorum adest, nisi agitur de art. 17, 20 et 24.
Articulus 16: Electio exercetur ad normas Codicis Iuris Canonici (can. 119).
Articulus 17: Salvis clausulis contrariis iuris universalis, decisiones maioris ponderis in Conventu plenario feruntur suffragatione secreta a duabus tertiis partibus membrorum.
Decisiones maioris momenti aestimantur illae quas pars absolute maior Conventus plenarii tales declaraverit.
Articulus 18: Post habitum Conventum plenarium Praeses mittit Sedi Apostolicae relationem de eius labore et decretis necnon decisiones (can. 455; Apostolos suos, art. 1), quae in eo feruntur (cfr. can. 456).
Articulus 19: Conferentia, ad normam canonis 455, § 1, potest ferre decreta generalia solummodo in casibus sequentibus:
a) si id praescribit ius universale;
b) si id statuit mandatum peculiare Sedis Apostolicae, sive motu proprio, sive ad petitionem ipsius Conferentiae.
Articulus 20: Decreta de quibus in art. 19, ut in Conventu plenario valide ferantur, per duas saltem ex tribus partibus suffragiorum Praesulum, qui voto deliberativo fruentes ad Conferentiam pertinent, proferri debent. Talia decreta vim obligandi non obtinent nisi, ab Apostolica Sede recognita, legitime promulgata fuerint (cfr. can. 455, § 2).
Articulus 21: Decreta Conferentiae ordinarie promulgantur in Vrhbosna, communi folio omnium quattuor Dioecesium Vrhbosnensis, Bania Lucensis, Mandetriensis-Dumnensis et Tribuniensis-Marcanensis, vel in aliquo alio a Conferentia explicite electo folio catholico (cfr. can. 455, § 3).
Articulus 22: In casibus in quibus nec ius universale nec mandatum Sedis Apostolicae concedit Conferentiae potestatem de qua in art. 19, manet integra competentia singuli Episcopi dioecesani (cfr. can. 455, § 4).
Articulus 23: Extra ambitum de quo in art. 19, nec Conferentia nec eius Praeses nomine omnium Episcoporum agere valet, nisi omnes et singuli Episcopi consensum dederint (cfr. can. 455, § 4).
Articulus 24: Doctrinales Conferentiae declarationes, ut sint documenta magisterii authentici et nomine ipsius Conferentiae evulgentur, debent ab omnibus Episcopis membris in Conventu plenario comprobari vel saltem a duabus tertiis partibus Episcoporum qui suffragio deliberativo fruuntur; quo in casu illae non possunt promulgari nisi ab Apostolica Sede recognoscantur (cfr. Apostolos suos, art. 1).
Caput III.
DE CONSILIO PERMANENTI
Articulus 25: Consilii permanentis est:
a) audito consilio aliorum Episcoporum praeparare res in Conventu plenario agendas (cfr. can. 457);
b) curare ut decreta e decisiones in Conventu plenario latae executioni mandentur (cfr. can. 457);
c) dirigere laborem Secreteriae generalis Conferentiae (cfr. can. 457).
Articulus 26: Consilium permanens constat: Praeside Conferentiae, Pro-Praeside et electo Episcopo, si Secretarius generalis non gaudet dignitate episcopali. Ad officia omnes eliguntur ad quinquennium.
Articulus 27: Consilium permanens tenetur si ad id rationes sufficientes exstant.
Caput IV.
Articulus 28: Ius Conferentiae est instituendi alia organa: commissiones, consilia, comitatus, officia ad res et quaestiones connexas cum activitate Ecclesiae particularis pertractandas.
Articulus 29: Supradicta organa Conferentiae, ab Episcopis et peritis composita, sunt solummodo instrumenta laboris; executioni mandant ea quae a Conferentia sibi commissa, disceptant quaestiones actuales quae ad suum campum specificum referuntur, et relationem de his omnibus Conventui plenario Conferentiae submittunt.
Articulus 30: Cuique organo Conferentiae praeest Episcopus quem Conventus plenarius eligit ad quinquennium. Electio Praesidis et aliorum membrorum potest rennovari ad alia quinquennia.
Caput V.
DE SECRETERIA GENERALI
Articulus 31: Secreteria generalis constat: Secretario generali, eius auxiliario et sufficienti numero personarum coadiuvantium.
Articulus 32: Secreteriae generalis est:
a) relationem componere actorum et decretorum Conventus plenarii, necnon actorum Consilii Conferentiae permanentis et eadem communicare cum omnibus Conferentiae membris.
b) conscribere alia acta quae sibi a Praeside vel Consilio Conferentiae permanente componenda committuntur (cfr. can. 458, n. 1);
c) communicare acta et documenta cum aliis, speciatim finitimis, Conferentiis nationalibus (cfr. can. 458, n. 2);
d) curare de datis statisticis in territorio Conferentiae (cfr. can. 458, n. 1);
e) colligere documenta ad vitam et activitatem Ecclesiarum particularium spectantia (cfr. can. 458, n. 1).
f) asservare Tabularium Conferentiae etc. (cfr. can. 458, n. 1).
Articulus 33: Secretarius generalis eligitur in Conventu plenario ex Episcopis vel sacerdotibus ad quinquennium et praeficit Secreteriae generali, in qua disponit officia, vigilat, et dirigit Secreteriae laborem.
Secretarius generalis potest eligi ad ulteriora quinquennia.
Caput VI.
DE BONIS TEMPORALIBUS REGENDIS
Articulus 34: Redditus Conferentiae Episcoporum proveniunt ex contributis annuis singularum dioecesium, pro fidelium numero; ex venditione librorum et aliorum materialium quae cura et auctoritate Conferentiae eduntur; ex contributis benefactorum.
Articulus 35: Bona temporalia Conferentiae reguntur canonibus Quinti libri Codicis Iuris Canonici necnon normis ab ipsa Conferentia latis.
Articulus 36: Gestio cassae communis Secretario generali committitur.
Caput VII.
DE VARIIS NORMIS
Articulus 37: Omnes praesentes Conventui plenario Conferentiae vel recipientes eius acta tenentur, ratione habita rei naturae, ad secretum de eius labore et disceptationibus.
Articulus 38: Delegati et singula organa Conferentiae tenentur de suo labore relationem submittere Conventui plenario Conferentiae.
Articulus 39: Haec Statuta, praevia recognitione Sedis Apostolicae, non possunt mutari sine ipsius consensu (cfr. can. 451) e vim suam exserunt postquam in communi folio quattuor dictarum Dioecesium, Vrhbosna, promulgata fuerint.